Publikationer

Naak peqqinneq WHO-p peqqinnermi isumasiuutaani ’inuunerinneq’ inuiaqatigiilerinermi isumasiutaasoq, peqqinnissaqarfimmi sullisseriaaseq
suli peqqinnermit najuutinngitsutut nappaateqarnermit paasinnittariaaseq annertuneruvoq. Nakorsiartut isumaanit nappaateqarnermit nakorsartinnermillu kingunerani inuuneq qanoq misigigaat atuakkap misissorpaa qanorlu ulluinnarni inooriaaseqarnersut. Napparsimasut arlallit napparsimavinni uninnganerini angerlarsimanerinilu illoqarfinni nunaqarfinnilu apersuinermi misissuinermilu malinnaaffigineqarput. Peqqinnissaqarfini pikkorissut suleriaatsit qanorlu napparsimasut ulluinnarni inuunermi periarfissaat ataqatigiinnersut erseqqissarneqarpoq. Peqqinnissaqarfini suleriaaseq napparsimasullu ulluinnarni inooriaasiat katiternerat, peqqinnissaqarfimmiit ikiuutit aaqqissuunneqarneranni nakorsiartut isumaat ilanngunnissaa pingaaruteqarnera takutippaa. Napparsimasut ilisimasaat pingaartinnerunissaa atuagaq aamma tikkuartorpaa, pingaaruteqartutullu pitsaassummik peqqissutsikkut sullisseriaammit
ineriartortitsinissamut. Atuagaq annertunerusumik peqqinnissaqarfinni pikkorissunut, peqqissaanermik ilinniartitaanerni ilinniartunut, atorfilinnullu peqqissaanermi ilisimatuunut aalajangiisartunullu peqqinnermillu inuiaqatigiilerinermilu soqutiginnittunut saaffiginnippoq.