Publikationer

2022-mi Kalaallit Nunaanni angerlarsimaffeqanngitsut amerlassusaat.

Angerlarsimaffeqanngitsunik kisitsinermi matumani inuit 491-it nalunaarsorneqarput1. Kisitsineq illoqarfinni aqqanilinni ingerlanneqarpoq taamaattumillu angerlarsimaffeqanngitsut amerlassusaannik sukumiisumik paasititsivoq. Angerlarsimaffeqanngitsunik kisitsineq manna nuna tamakkigajavillugu ingerlanneqarpoq – Qaanaamiit Nanortalimmut aamma Nuummiit Ittoqqortoormiunut.

Amerlanerpaat paasineqartut tassaapput inuit ersinngitsumik angerlarsimaffeqanngitsut. Nalunaarsorneqartut 293-iupput2. Tassaapput inuit isumalluutinik amigaateqarnertik pissutigalugu ilaquttani ikinngutinilu najugaqartariaqartut - imaluunniit attaveqarfinni tutsuiginarpallaanngitsuni najugaqartutut nalunaarsoqqanatik. Angerlarsimaffeqanngitsunik kisitsinerni tulliuttuni kisitsit taanna qularnanngitsumik allanngorumaarpoq.

Inuit ersittumik angerlarsimaffeqanngitsut amerlassusaat tassaavoq 183-it3. Tassani inuit pineqarput unnuisarfinni najugaqartut, tummeraqarfinni sinittartut imaluunniit containerini inissiani najugaqartut. Kisitsit taanna allanngorartuarpoq. Tamanna malunnarsissaaq siunissami kommunit isumaginninnermi neqeroorutinik amerlanerusunik pilersitsippata, imaluunniit naalakkersuinermut attuumassuteqanngitsumik suliniaqatigiiffiit (NGO´t) amerlanerusut takkuppata.